सर्लाही जिल्ला अदालतले महासम्बोधी धर्मसङ्घका प्रवर्तक रामबहादुर बमजनलाई बालयौन दुराचारमा मुद्दाम गरी पुर्पक्षका लागि थुनामा पठाउने आदेश जारी गरेको छ।

बिहीवार, रामबहादुर बमजनले दिएको बयान पछि न्यायाधीश विष्णुप्रसाद रेग्मीको इजलासबाट यो आदेश आएको हो, जसले अदालतका स्रेस्तेदार सदन अधिकारीले जानकारी गराएका छन्।

"अहिले पुर्पक्षका लागि थुनामा पठाउने आदेश बनेको छ। अब माघ ७ गते बकपत्रका लागि पेसी तोकिएको छ," अधिकारीले बताए।

बमजनका समर्थकहरूले उनलाई निर्दोष बताएका छन् र उनलाई फसाउन खोजिएको दाबी गरेका छन्।

'लिटिल बुद्ध' र 'बुद्ध बोइ' जस्ता उपनामले चिनिएका बमजनविरुद्ध एक अनुयायीले बालयौन शोषणको आरोप लगाएको थियो र त्यसका आधारमा अदालतले बमजनविरुद्ध २०७६ माघमा मुद्दा दर्ता गरेको थियो।

तर चार वर्ष पछि बमजनले मङ्गलवार काठमाण्डुबाट पक्राउ परेका थिए।

बमजन फरार भएको समयमा २०७७ असारमा सरकारी वकिलको कार्यालयले उनी विरुद्ध जिल्ला अदालतमा मुद्दा दर्ता गरेको थियो। रौतहटकी एक किशोरीले बमजनको आश्रममा रहेको अवस्थामा आफूमाथि बालयौन शोषण भएको बयान दिएको थियो।

रामबहादुर बमजन बसेको घरमा फेला परेको रु ३ करोड र विदेशी मुद्राको स्रोत खोज्दै प्रहरी

रामबहादुर बमजन विरुद्ध लागेका आरोप के छन्

सरकारी वकिलको कार्यालयले बालबालिकासम्बन्धी ऐनको हदम्याद नुसार ती किशोरी वयस्क भएपछि मुद्दा दर्ता गरिएको जानकारी दिएको थियो।

सरकारी वकिलले उक्त मुद्दामा बमजनलाई १४ वर्षसम्मको जेल सजाय हुने माग गरेको छ।

उनलाई बुधवार राति सर्लाही पुर्याएर बिहीवार अदालतमा बयानका लागि उपस्थित गराइएको थियो र बमजनको पक्षबाट दुई वकिलले बहस गरेका थिए।